Plantun de Prouvènço

Pèr coumpara dos planto d'encò nostre

Cuscuta planiflora & Narcissus assoanus

Péu-de-lin(-di-flour-plano)

Cuscuta planiflora

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute à fleur plane.

Descripcioun :
Lou péu-de-lin-di-flour-plano douno d'èr à Cuscuta epithymum, pamens li flour soun blanco e pu pichoto. Es uno planto coumuno en basso Prouvènço au contro de sa cousino que mounto mai. Se n'en destrìo subretout que li sepalo an de lobe redoun e pas pounchu. Bessai que s'agirié de la memo meno qu'eisisto de bastard.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 4 à 6 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à avoust

Liò : Tepiero seco - Relarg à jóuinis aubret
Estànci : Termoumediterran à Coulinen
Couroulougi : Éurimediterrano
Ref. sc. : Cuscuta planiflora Ten., 1829

Jounquiho(-de-Requien)

Narcissus assoanus

Amaryllidaceae

Àutri noum : Mau-de-tèsto, Pisso-au-lié.

Noms en français : Narcisse de Requien, Narcisse d'Asso.

Descripcioun :
La jounquiho-de-Requien es uno pichoto jounquiho que trachis dins la garrigo ounte flouris à la debuto dóu printèms. Li fueio sorton tre l'autouno, li flour, pichoto, que sènton proun bon, an un tube de 12 à 18 mm, mai long que li tepalo. Narcissus jonquiha, mai rare, a un tube pu long (20 à 25 mm).

Usanço :
Touto la planto es empouisounanto e majamen la cabosso ounte s'atrobo forço acalouïde di proun dangerous. Soun couneigudo desempièi li mège grè pèr èstre de bon boumitòri e douna uno espetaclouso fouiro. Mefisas-vous n'en.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Narcissus
Famiho : Amaryllidaceae

Coulour de la flour : Jauno
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Tepiero seco
Estànci : Mesoumediterran à Subremediterran
Couroulougi : Pancaro entresigna
Ref. sc. : Narcissus assoanus Dufour, 1830

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta planiflora & Narcissus assoanus

ges

Coumpara Péu-de-lin(-di-flour-plano) emé uno autro planto

Coumpara Jounquiho(-de-Requien) emé uno autro planto